Bago nagsama sa concert… Sharon, kumantang nagpaalam si Gabby na kakausapin siya

Vinia Vivar / Frankly Speak

Talk of the town ang pagkikita at pagsasama sa stage ng dating mag-asawa at magka-love team na sina Gabby Concepcion at Sharon Cuneta na naganap sa Gabay Guro 2019 event last Sunday (Sept. 22) sa Mall of Asia Arena.

For the first time pagkatapos ng mahaba-haba ring panahon, muling nakita ang Sharon-Gabby love team na nag-duet ng signature song nilang Come What May. Ayon nga sa tsika, nagiba raw ang MOA dahil sa duet na ‘yun.

Kaya naman kinabukasan (Monday, Sept. 23), sa mediacon ng Iconic concert nila ni Regine Velasquez ay itinanong ito kay Sharon ng entertainment press.

Ayon kay Sharon, hindi siya prepared sa duet na ‘yun at talagang wala sa plano.

“The truth is, nagulat din kami, we weren’t supposed to sing together. Yeah, we were not. I didn’t even know he was going to be there,” simulang kuwento ni Shawie.

“I prepared two songs, and then, I don’t know if it’s too personal, but he asked a friend of mine if you know, he could talk to me, and I said, you know, ‘Time has passed, I think it’s okay,’” patuloy ni Megastar.

Nag-usap daw sila ni Gabby at okay naman. Pagkatapos nito ay kinantiyawan na raw sila nina Pops Fernandez at Martin Nievera.

Aminado naman si Shawie na natuwa siya nang makita ang napakainit na pag­tanggap pa rin ng mga tao sa love team nila ni Gabby.

Pabirong tanong ni Regine, “Hindi ba siya magge-guest (sa Iconic concert)? Kasi baka ‘yung ex ko, mag-guest, eh.”

Ang lakas ng tawanan nila ni Sharon sa sinabi ni Regine. When asked kung si A ba ‘yun na ang tinutukoy ay si Ariel Rivera, nagtawanan lang din sila ni Megastar.

Birong sagot ni Shawie, kakanta raw si Ariel ng Ikaw at kakanta naman si Gabby ng Ako.

But seriously, ayon kay Sharon ay mas maganda raw siguro kung hindi na magge-guest sa concert nila ni Regine si Gabby.

“Palagay ko, parang huwag muna. Kasi, kagabi, pati kami, na-surprise. Baka naman puro surprise naman, eh, di ‘pag natuloy, wala nang excitement,” sey ni Mega.

“So, parang huwag muna, kasi show muna namin ‘to ni Reg. Dalawa pa lang kami. So, huwag muna,” dagdag ni Sha­ron.

Sey pa niya, parang hindi naman ito ang tamang oras para magkaroon sila ng reunion ni Gabby.

“I don’t think it’s the right time, kasi kagabi was totally unplanned but it was nice that it happened there, kasi teachers. You know, my teachers were such a big influence in my life, eh,” she said.

Samantala, parehong excited sina Megastar and Songbird sa two-night concert nila na gaganapin on Oct. 18 and 19 sa Araneta Coliseum. Sa tinatagal-tagal, ito ang kauna-unahang pagka­kataon na magka­ka­roon sila ng back-to-back concert.

As we all know, noon pa ay idol na talaga ni Regine si Sharon at dati ay panaginip lang para sa kanya ang maka­sama ito sa isang stage.

Si Sharon na­man ay self-confessed Reginian din at sob­rang hangang-hanga siya sa boses ng Song­bird na alien daw yata dahil lahat ng range ay kaya nito.

“This concert is a blessing to me one million times over in all aspects of my life. That’s from the bottom of my heart,” sey ni Shawie.

Iconic will be directed by Rowell Santiago alongside musical directors Louie Ocampo and Raul Mitra.