Estudyanteng binu-bully ng mga kaklaseng rich kid

Dear Roma,

Ako si Crystal at wor­king student. Nagdo-dorm ako rito sa Maynila para makapag-aral dahil ang mga magulang ko ay nasa probinsiya. Puro rich kid ang mga kaklase ko at ma­dalas, pinagtatawanan at nilalait-lait nila ako. Ma­sakit para sa akin ang ga­ni­to kaya gusto kong hu­mi­ngi ng payo kung ano ang dapat kong gawin para matapos na ang pa­ngungutya nila sa akin? Minsan, gusto ko nang gu­manti sa kanila para ma-realize nila na nakaka­sakit sila. Tama ba ‘yun? — Crystal

Crystal,

Sadyang mahirap ma­punta sa lugar na hindi ka kayang tanggapin ng mga taong nakasasalamuha mo, gayundin, hindi madaling i-handle ang pambu-bully at pangungutya ng ibang tao. Ngunit, magtiwala ka sa sa­rili mo at huwag kang mag­paapekto sa masasakit na salita nila. Sabi nila, kapag binato ka ng bato, batuhin mo ng tinapay. Hindi ka mag­kakaroon ng kapanata­gan sa buhay kung gagawin mo rin ang mga ginawa nila sa‘yo. Maging matatag ka at magpakatotoo. Kung hin­di mo na ma-take at kung kaya mo namang lumipat na lang sa ibang paaralan, ma­ipapayo naming umiwas ka na lang. Baka sa ganu’ng paraan, maging maayos ang buhay-estudyante mo, ‘di ba? Huwag kang susuko at palagi mong isaisip na ang inaapi ay mas pinagpa­pala. God bless!