Zabala at Nerza, Lucena Milo marathon champion

Nanaig sina MILO Marathon King Jerald Zaba­la at Janice Nerza sa pagta­tapos ng 2019 MILO Marathon Lucena City qualifying race noong Linggo sa SM City Lucena. Sasamahan nila ang 51 iba pang mana­nakbo na tutuloy sa National Finals sa darating na Enero 19, 2020 sa Tarlac.

Kahit mas madalas tu­mak­­bo sa karera ng MILO sa Mindanao, tinapos ni Zabala ang 21-km ruta sa oras na 1:14:55 at sinundan siya nina Gilbert Laido (1:15:12) at Marino Lagyap (1:16:­34). Umakyat bilang hari si Zabala matapos ang pagka­matay ni Rafael Poliquit noong Abril. Kung dikitan ang laban ng mga kalalaki­han, malayo ang agwat ni Nerza (1:38:42) kumpara sa pumangalawang si Rica Moreno (1:40:05) at puma­n­­gat­long si Edna Agoo (1:40:­19). Sinundan ni Ner­za ang tagumpay ng kanyang asa­wang si Anthony Nerza na kampeon sa 42-km ng MI­LO Marathon Metro Manila qualifying race noong Hulyo 28.

Ang iba pang nag-uwi ng karangalan sa araw na iyon ay sina Leonard Kilangat Kemboi ng Kenya (33:24) at JC Ann Bana (44:38) sa 10-km at Albert Valencia (16:44) at Mary Ann Cri­shelle Perez (22:05) sa 5-km. Wagirdin sina Ian Lla­re­­nas (10:48) at Mailene Princess Castro (14:08) sa 3-km para sa kaba­taang edad 12 pababa. Ang susunod at huling yugto ng serye sa Luzon ay gaganapin sa Linggo (Set. 22) sa Batan­gas City. Pagkata­pos nito, tutulak ang MILO Marathon patungo sa Visa­yas at Min­danao simula Set­yembre 29 sa Cebu at susun­dan ng mga karera sa Iloilo (Oktubre 6), General Santos (Oktubre 13), Davao (Oktu­bre 20) at Cagayan de Oro (Nob­yembre 17).