Philhealth, ginamit sa modus at raket, nagbabala!

Bulgarific

Hello, Bulgarians! Nagbabala ang Philippine Health Insurance Corporation (Phil­Health) sa publiko tungkol sa pekeng Face­book page na "PhilHealth Updates Online" na nang­hihi­kayat na ”i-like” at ”i-share” ang nasabing page para makasali sa raffle promo na “lib­reng pabahay” kaugnay sa anibersaryo ng Phil­Health sa susunod na taon. Matapos umaksi­yon at dumulog ang PhilHealth sa Face­book Philip­pines ay tinanggal agad ang nasabing post at re-shared posts nito.

Bukod sa pekeng raffle promo, nagbabala rin ang PhilHealth laban sa isa pang FB page ng nagngangalang Efeiram Oicatse na may Face­book page na "Phil­Health Registration Online” na nag-aalok ng tulong para mapabilis ang pagpoproseso ng PhilHealth membership at makakuha ng Phil­Health ID kapalit ng P170 na dapat bayaran sa kilalang convenient store.

Ayon sa PhilHealth, wala silang pabahay raffle promo at walang sinuman ang binibigyan ng awtorisasyon na mag-solicit o mang­hingi ng bayad kapalit ang pagpapamiyembro sa PhilHealth. Hinihi­kayat ang lahat na huwag agad magtiwala sa mga ganitong modus at mag-ingat sa pagbibigay ng mahahalagang impor­masyon upang maiwa­sang mabiktima ng pandaraya.

Pinaaalalahanan ng PhilHealth ang lahat na libre ang pagpapare­histro at ito ay maaaring gawin sa mga Local Health Insurance Office o Express Coun­ters sa buong bansa. Sakaling may na-monitor na ganitong uri ng iregularidad ay maaa­ring ipagbigay-alam agad sa alinmang opisina ng PhilHealth, Facebook “PhilHealth official”; mag-email sa action­center @philhealth. gov.ph o itawag sa (02) 441-7442.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo