UPHSD-Altas, NCAA Chess Champ

Kinoronahan bilang kampeon ng 95th National Collegiate Athletic Association (NCAA) Seniors Chess ang University of Perpetual Help System-Dalta-Altas matapos talunin ang Arellano University, 3.0-0.5, noong Sabado sa San Beda University. Kinailangan pang manalo ng dalawang sunod na beses ang UPHSD at Arellano sa semifinals upang burahin ang twice to beat advantage ng San Beda University at defending champion College of Saint Benilde at itakda ang tapatan para sa kampeonato.

Pumuntos sa Altas sina Genesis Borromeo sa Board 1 Carl Zirex Sato sa Board 2 at ang itinanghal na MVP na si John Marx Anastacio sa Board 4. Nagtabla sa Board 3 sina Romeo Canino ng UPHSD at Patrick Credo ng Arellano.

Ang iba pang mga kasapi ng Altas ay sina Lou Anton Rivera, Jerome Junio at Jose Daniel Abucejo. Ang mga nagwagi ng gold medal para sa bawat board ay sina Daryl Unix Samantila ng CSB, NM Marc Nazario ng San Beda, John Fleer Donguines ng CSB , Anastacio, Jehf Louigi Benas ng Arellano at Joshua Marquez ng Lyceum habang itinanghal na Coach of the Year si FM Roel Abelgas sa paggabay sa UPHSD sa pinakaunang kampeonato sa kasaysayan ng paglahok nila sa NCAA. Samantala, hindi itinuloy ng pamunuan ng NCAA ang mga laro ng Basketball kahapon ng Martes dahil sa masamang panahon sa FilOil Flying V Centre.