Liza, Nadine, Cristine, Julia, Maja, Kim at Kathryn, best dressed sa ABS-CBN Ball

Nitz Miralles / Bida

Photo: ABS-CBN BALL 2019

Sa nabasa naming feedback sa natapos na ABS-CBN Ball nu’ng Sabado, karamihan sa mga pu­ma­sok sa listahan ng Best Dressed ng isang website ay mga batang artista. Kasama riyan sina Liza Soberano, Nadine Lustre, Cristine Reyes, Julia Barretto, Maja Salvador, Kim Chiu at Kathryn Bernardo.

Ang kasama sa listahan na older sa mga nabanggit ay sina Anne Curtis at Pia Wurtzbach at sa senior stars, si Dawn Zulueta.

Ang ganda nga ng gown ni Liza, korona at sash na lang ang kulang, beauty queen na siya.

Gawa ni Michael Cinco ang gown ni Kathryn na nagpakita sa curves niya. Hindi naman binanggit kung sino ang may gawa ng gown nina Nadine at Cristine.

Gusto namin ang kasimplehan ng gown ni Julia Barretto na gawa ni Rajo Laurel. Hindi naman pala totoong ayaw siyang igawa ng gown ni Rajo.

Napa-comment si Marjorie sa gown ng anak: “You have put so much love in creating this gown. I can’t find enough words to describe how beautiful it is, even more in person. Thank you, Rajo.”

Hindi sumabay si Julia sa ibang attendees na ipinakita ang mga hita, minsan left thigh at minsan, right thigh. Bare back ang panlaban ni Julia sa mga hita.

Solong um-attend sa ABS-CBN Ball si Julia, ganu’n din si Bea Alonzo at si Gerald Anderson na kamakailan lang, kasama ang young actress kaya nga naging laman sila ng mga balita sa print, radio at TV.

Curious ang marami kung nagkita at nagbatian ang tatlo na siguradong inayos ang seating arrangement para malayo ang assigned table at hindi sila magkita-kita.