After malamang may tumor… Mccoy, gustong makatikim ng sex bago mamatay
Napanood namin ang G! sa red carpet premiere night na ginanap last Tuesday sa SM North EDSA Cinema 5 na hatid ng CINEKO Productions, ang nag-iisang tropa movie na entry sa Pista ng Pelikulang Pilipino 3 na magsisimula na ngayong September 13.
Parehong bida sina McCoy de Leon at Jameson Blake sa G! at pag-aagawan nila sa movie si Kira Balinger. Katropa nila sina Paulo Angeles at Mark Oblea, na parehong maganda ang role na maayos na nai-distribute ng direktor na si Dondon Santos.
Iikot ang istorya kay Sam Corteza (played by McCoy), team captain ng football na malalamang may malaking tumor sa gallbladder matapos mahimatay sa kanilang game.
Siya rin ang may kaya sa grupo at pinaka-adventurous at niyaya ang tropa para mag-road trip at tuparin ang kanyang bucket list at isa rito ang ma-experience ang first sex bago siya mamatay.
Tiyak na aabangan din ng mga fans ang pagpapakita ng butt ng G! boys at pagpapakilig nila sa screen.
Magiging masaya at maayos ang kanilang paglalakbay at pagwawalwal hanggang sa makilala niya si Sandy (Roxanne Barcelo) na matapos ang nakapag-iinit na eksena dahil sa kalasingan, pagsisimulan ito ng gulo na sisikaping malutas ng magkakabarkada, hanggang sa dumating ang nakakagimbal na pangyayari na hindi nila inaasahan.
Habang nagkakagulo, mari-reveal na iisa lang ang babaeng minamahal nina McCoy at Jameson at tiyak na nakaka-relate sila dahil nangyayari rin ito sa totoong buhay at naging maayos naman ang kanilang pagkakaibigan kahit nali-link ngayon si Jameson kay Elisse Joson na ex-GF ni McCoy.
Masasabi naming nag-shine talaga sina McCoy at Jameson sa G! na hindi nagpakabog sa isa’t isa, na lalo pang mamahalin ng kanilang mga tagahanga.
Tiyak ding maraming matututunan sa pelikula kung saan may special participation sina Rosanna Roces, Dominic Roque, Jao Mapa, Precious Lara Alcaraz, Moi Bien, Alora Sasam at Joey Marquez.
Comments