KZ, Morissette, Julie Anne, etc., inayawan… Ben Adams ng A1, si Sarah ang napiling maka-duet

Ronalyn Seminiano / Showbiz Trends

NAGHAHANAP ng makaka-duet na Asian singer ang 90’s boy band member na si Ben Adams ng A1. Ayon sa ipinost nito sa Twitter, “I’m looking for a well-known Southeast Asian female artist to duet with me on something......any suggestions? #Philippines #Singapore #Indonesia #Thailand #Malaysia.”

Maraming fans at netizens ang nag-suggest ng mga bet nilang singers ka­tulad nina KZ Tandingan, Morissette Amon, Julie Anne San Jose, at Golden Cañedo pero nanguna sina Sarah Gero­nimo at Miss Universe Catriona Gray sa bilang ng boto dahil sa kanilang mga fans kaya ang sumunod na post ni Ben ay, “So @JustSarahG and @catrionaelisa seem to be coming up a lot in suggestions for who to duet with on my next project....... now I just need to find their contact details and make it happen! #Philippines.”

Pinanood ni Ben ang performances ng Popstar Royalty online at tila napa­hanga siya ni Sarah.

Dahil naging interesado si Ben na maka-duet ang pop icon at tinawag pa niyang “amazing,” nag-update ang A1 member na nagpaabot na siya ng men­sahe sa Viva Artists Agency para sa posibleng collaboration nila ni Sarah.

“Well, quick update, I’ve checked out all of the videos and articles you guys have sent me on @JustSarahG and I think she’s amazing! Have emailed @VivaArtists so let’s see what they say...... thanks everyone! #Philippines,”

Umaasa ang mga fans ni Sarah na maging real ang duet ng dalawa dahil bali-balitang pupunta rin sa ‘Pinas si Ben sa November 9 sa Mall of Asia Arena.