6 Gold medal pakay ng Obstacle team sa SEAG

ANIM na gintong medalya ang target ng pambansang koponan ng Pilipinas Obstacle Sports Federation (POSF) na makamit sa darating na 30th edisyon ng Southeast Asian Games sa bansa. Determinado ang bagong tatag na 16-strong line up na makamit ang inaasam na ambisyon sa pagbubukas ng biennial meet simula sa Nob. 30 hanggang Dec. 11 na tutok na ngayon sa ensayo sa loob ng anim na araw sa loob ng isang linggo.

Binubuo ang koponan nina Kevin Pascua, Mark Rodelas, Sherwin Managil, Mervin Guarte, Jeffrey Reginio, Nathaniel Sanchez, Monolito Divina at Kyle Antolin para sa kalalakihan habang sina Rochelle Suarez, Milky Mae Tejares, Sandi Abahan, Glorien Merisco, Kaizen Dela Serna, Deanne Moncada, Klymille Rodriguez at Diana Buhler ang bubuo sa grupo ng kababaihan.”That’s one full week for every month until the SEA Games,” wika ni Moncada, na kasama ang teammate na si Glorien Merisco, coach Edward Obiena at team sponsor Judith Staples ng Luminox, habang kasama rin sa koponan nila ang mga coaches na sina Raven Quan (supervising), Mark Parilla (obstacles), Ken Tan (strength and conditioning), Saul Sibayan (running) at Anj Borras (physiotherapy).

Isinasapinalisa pa sa ngayon ang gagawing venue ng POSF matapos mailipat ang event mula sa Clark Global City patungong UP Sunken Garden sa UP Dilimang campus. Umaasa ang koponan na maibibigay nila ang inaasam na target sa men’s at women’s individual 5 km x 20 obstacles, men’s at women’s 100m x 10 obstacles at sa 400m x 12 obstacles team assist at team relay. Sa ngayon ay patuloy ang pag-eensayo ng mga ito sa loob ng nalalabing tatlong buwan sa world-class Pretty Huge Obstacles sa SM Aura.