Wim’s Fronda at San Diego mga lider na sa round 10

GINULAT nina WIM Jan Jodilyn Fronda at WIM Marie Antoinette San Diego ang kanilang mga katung­gali upang agawin ang lide­rato matapos ang 10 rounds sa 2019 National Women’s Championship-Grand Fi­nals sa Philippine Academy for Chess Excellence (PACE) headquarters sa Mindanao Ave., Project 6, Quezon City.

Pinabagsak ni Fronda ang dating solo leader na si WIM Kylen Joy Mordido ma­tapos ang 30 moves ng London System habang iti­numba ni WIM Marie An­toinette San Diego si May Ann Alcantara matapos ang 71 sulong ng Modern De­fense upang masungkit ang liderato sa kanilang 7 puntos sa 10 laro.

Umangat din si WIM Catherine Perena-Se­copito matapos maungusan si Sa­mantha Umayan sa 27 moves ng Reti opening sa prestihi­yosong kompetisyon na iti­na­taguyod ng National Chess Federation of the Phi­lippines (NCFP) upang ma­pili ang miyembro ng natio­nal team sa World Chess Olympiad na nakatakda mula Agosto 1-15, 2020 sa Khanty-Man­siysk, Russia.

Katuwang ni Secopito sa 3rd - 6th places na may 6.5 puntos sina Mordido, WIM Shania Mae Mendoza at WIM Bernadette Galas.

Nag­hati sa puntos sina Men­doza at WIM Mikee Chalrne Suede matapos ang 31 moves ng Slav Defense. Tabla din si Galas kay top WGM Ja­nella Mae Frayna matapos ang 43 sulong ng Caro Kann.