Baklang Breadwinner, nalubog sa utang dahil sa luho at bisyo, Problemado

Dear Roma,

Ako si Edison, 23 at nag-iisang lalaki sa tatlong magkakapatid, pero bakla ako. Wala itong issue sa pamilya namin. Sumulat ako sa inyo dahil may pi­nagdaraanan ako kasi hanggang ngayon, sa amin pa rin nakaasa ang mga kapatid ko kahit may kani-kanya na silang pamilya. Dahil lalaki pa rin ako, ako ang inaasahan ng aming mga magulang para matugu­nan ang mga pangangailangan namin. Dahil dito, humin­to ako sa pag-aaral at nagtrabaho, pero hindi ko na­iwasan ang mga luho at bisyo kaya hindi naging maganda ang performance ko sa trabaho at natang­gal ako. Hindi ito alam ng pamilya ko kaya kung sinu-sino ang aking nilapitan para hingan ng tulong at nabaon ako sa utang. Ano ang dapat kong gawin? — Edison

Edison,

Una sa lahat, malaking bagay ang obligasyon sa iyong pamilya para mabuhay sila. Walang masama sa pagbili ng luho, pero kailangan mong i-budget nang tama ang iyong pera at matutong mag-ipon upang hindi ka mahirapan kapag ikaw ang may kailangan. Upang muli kang makabangon, sabihin mo sa iyong mga ma­gulang ang iyong totoong sitwasyon para mabawasan ang bigat ng iyong saloobin at palagi mong tatandaan na sa oras ng kahirapan, pamilya ang una mong masa­sandalan. Gayundin, maghanap ka ng trabaho at hu­wag nang uulitin ang mga pagkakamali mo noon. Mag-ingat ka palagi and God bless you!