Nagpabili ng rosary, nagpe-pray lang ‘pag may kailangan kay Lord

Socrates Magnus

Salaminin natin ang panaginip ni Lyn Rose ng Lynrose_Sobrio@face-book.com

Dear Professor,

Nanaginip ako na bu­mili raw ng rosary na may free booklet ang ate ko tapos, nagpabili rin daw ako. Ano ang ibig sa­bihin nito? Salamat!

Naghihintay,

Lyn Rose

Sa iyo Lyn Rose,

Ang sabi ng panaginip mo, nakalilimot ka na kay Lord. Maaaring sabihin na hindi ka naman nakalili­mot dahil dasal ka nang dasal. Pero, nagdarasal ka lang kapag ikaw ay may kaila­ngan.

Sa ganitong katotoha­nan, masasabing ang tao ay nakalilimot sa Diyos kung saan nakalilimutan niya na dapat magdasal kahit walang kailangan kay God.

Sa rosary, ang mga da­sal ay iniaalay kay Maria. Ang rosary ay tulad ng mga bulaklak na iniaalay sa minamahal.

Ayon sa iyong pana­ginip, magdasal ka dahil may kailangan ka kay Lord pero, dapat may alay ka rin dahil ang pag-aalay ay tung­kulin ng mga nananam­­palataya.

Siguro, kung si Lord ay tao, tampung-tampo na siya sa mga taong naalaala lang Siya kapag may ka­ilangan.

‘Di ba, ikaw, kapag na­alaala ka lang ng iyong mga kaibigan sa tuwing sila ay may pangangaila­ngan, napapataas ang iyong kilay? Ang maganda sa magkakaibigan ay nag­kukumustahan kahit wa­lang kailangan sa isa’t isa.

Kaya, mag-rosary ka hindi dahil may kailangan ka. Ito ang payo ng iyong panaginip.

Hanggang sa muli,

Professor Seigusmundo del Mundo