1 patay, 1 malubha sa kidlat

CAPIZ — Patay ang isang lalaki habang nasa ma­lubhang kalagayan ang kaibigan nito nang tamaan sila ng kidlat kamakalawa sa bayan ng Ivisan.

Kinilala ang nasawi na si Frederick Medalla, sa­man­talang, nasa malubhang kalagayan si Fredy Uadan, kapwa residente sa nasabing bayan.

Ayon sa ulat, naglalakad sa bukid sina Medalla at Uadan nang bumuhos ang malakas na ulan at na­sun­dan ng pag­kidlat na tumama sa dalawang biktima.

Dinala pa ng mga saksi ang dalawang biktima sa ospital, pero idineklarang dead-on-arrival si Medalla.