Dalawa sa 3 nakalaya sa chiong sisters slay case, sumuko

KUSA umanong lumu­tang at sumuko sa mga aw­toridad ang dalawa sa con­victed sa kasong pag­dukot, pang­hahalay at pag­patay sa magkapatid na Ma­rijoy at Jacqueline Chiong sa Cebu noong 1997.

Ayon kay Justice Sec­retary Menardo Guevarra, sumuko sina Ariel Balansag at Alberto Caño, ilang araw bago matapos ang ultima­tum ni Pangulong Rodrigo Duterte.

Inaasahan naman ni Guevarra na lulutang din sa susunod na linggo ang ikat­long convicted sa kaso na si Josman Aznar.

Ikinatuwa naman ni Thelma Chiong, ina ng mga biktima, ang pagkukusang pagbabalik sa piitan ng mga sentensiyado sa Chiong Sis­ters rape-slay case.

Kabilang ang tatlo sa 1,914 heinous crime con­victs na maagang napalaya dahil sa bisa ng Good Con­duct Time Allowance (GCTA) ma­tapos magpakabait sa piitan.