Naku, mga momshie, hindi pala safe para sa bagets... gadgets, may masamang epekto sa utak at nagdudu

Jersy Sanchez / Gulat ka 'noh?!

Sa pagpasok ng maka­bagong teknolohiya, ma­pa­­pansin nating napaki­ki­nabangan ito, partiku­lar ang gadgets dahil para sa iba, ito ang kanilang ‘ba­by­sitter’ dahil sa pana­hon ng pagta-tantrums ni ba­gets o kapag sobrang busy ni momshie, ito ang suma­sagip sa lahat dahil napa­na­natili nitong busy ang mga bata.

Pero, sa kabila ng tulong na naibibigay nito, alam ba ninyo na ang exposure mula sa blue light ng gadgets ay may negatibong epekto sa development ng utak ng mga bata?

Inirerekomenda ng mga eksperto na ang mga batang nasa edad 2 hanggang 5 ay magkaroon ng isang oras o mas mababa pang screen time kada araw. Bukod sa de­likado ito para sa mga bata, lumiliit ang tsansa na maging physically active ang mga ito gayundin, maaapektuhan ang kanilang sleeping patterns.

Ayon sa mga eksperto, habang nasa unang taon ang bata, mabilis na nade-de­velop ang utak nito, gayun­din, dapat matuto ang mga ito sa pamamagitan ng paki­ki­pag-interact sa mga tao at hindi sa screen o gadget la­mang. Dagdag pa rito, ang palaging pagyuko at kawa­lan ng eye contact sa mga tao ay delikado sa brain develop­ment.

Ang gadgets ay nagsisil­bi umanong distraction sa mga bata na nasa edad 1 hang­gang 2 sa pakikipag-interact sa kanilang mga ma­gulang, kapatid at iba pang mga bata. Ayon kay Dan Siegel ng Mindful Awareness Research Center, nakapag­pa­pabagal ito ng language at social and emotional deve­lop­ment kung saan makaaapek­to ito sa development ng in­sight, empathy at paraan ng pagkilala sa sarili, gayundin sa koneksiyon sa mga rela­tionship.

Gayunman, dapat uma­nong maging physically active ang mga ito sa pamamagi­tan ng pag-e-explore sa kanilang paligid at paglalaro gamit ang kanilang pisikal na katawan at hindi mga kamay na naka­hawak sa gadget.

Base sa pag-aaral ng mga psychologist ng The Uni­ver­sity of Calgary na nai-publish sa JAMA Journal Pediatrics, ang labis na pag­gamit ng gadgets ng mga batang nasa edad 2 ay nag­kakaroon ng hindi magan­dang motor per­formance, communi­cation at problem solving skills pag­lipas ng panahon.

Samantala, ayon sa Ame­rican Heart Association, ang screen time ay maaaring mag-contribute sa future heart disease ng bata dahil ang sobrang pagtutok sa gadgets ay nagreresulta sa hindi mas­yadong pagkilos o laging pag-upo kung saan konektado ito sa obesity at pagiging over­weight. Kapag nanatiling obese ang bata, mataas ang risk nito sa high cholesterol, high blood pressure at iba pang sakit.

Dagdag pa rito, ang mga bata na natutulog malapit sa “small screen” o smartphone ay mas late nang nakatutulog tuwing gabi dahil sa mataas na lebel ng blue light mula sa screen na umuubos sa sleep hormone na melatonin.

Naku, momshies, hindi pala porke nakatutulong sa atin, eh, hindi na ito puwe­deng makasasama?

Kaya mga momshie, make sure na lili­mitahan ninyo ang paggamit ng gad­gets ng inyong mga anak, ha? Copy?