GSIS, may P633 milyong ipapautang sa mga members dahil sa dengue

Bulgarific

HELLO, Bulgarians! Kamakailan, ibinalita na under state of calamity ang ilan sa mga lugar sa bansa dahil sa dengue outbreak. Kaya naman ang Government Service Insurance System (GSIS) ay magbibigay ng emergency loan sa mga active members at pensioners sa Samar province, municipalities of Pontevedra at Sigma sa Capiz at Sofronio Española sa Palawan.

Halos P633 milyon ang inilaan ng GSIS para sa mga maglo-loan sa mga nasabing area. Ang deadline ng pagpapasa ng application sa Samar, Pontevedra at Sigma ay hanggang September 20, samantalang, September 22 naman sa Sofronio Española.

Ang mga active members na walang emergency loan at old-age pensioners ay maaaring mag-apply ng P20,000 loan. Para naman sa mga miyembrong may existing emergency loan pa ay maaaring mag-apply ng P40,000 loan at mababawas doon ang kanilang outstanding balance.

Ang mga qualified active members ay ang mga nagtatrabaho o naninirahan sa nasabing mga calamity-declared area, wala sa leave of absence without pay, walang monthly mandatory life insurance o social insurance premium contributions at walang unpaid loans na aabot sa anim na buwan.

Ang mga qualified active members ay maaaring mag-apply sa GSIS Wireless Automated Processing System (GWAPS) kiosk na located sa lahat ng GSIS branch at extension offices; provincial capitols; city halls; selected municipal offices; large government agencies tulad ng Department of Education; Robinsons Malls at ilang SM City branches sa North EDSA, Manila, Pampanga, Cebu, SM Auro sa Taguig, SM Southmall sa Las Piñas at Mall of Asia sa Pasay City.

Para naman sa mga old-age pensioners, maaaring magpasa nang personal sa counter para sa safety ng kanilang identity.

Ang emergency loan ay maaaring bayaran sa loob ng 36 buwan at may 6% interest rate per annum.

Para sa iba pang katanungan, maaaring bumisita sa kanilang website sa www.gsis.gov.ph o sa kanilang FB Account @gsis.ph; emailgsiscares@gsis.gov.ph o tumawag sa GSIS Contact Center sa 847-4747 (Metro Manila) o 1-800-8-847-4747 para sa Globe at TM o 1-800-10-847-4747 para naman sa Smart, Sun at Talk ‘N Text.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo