Equipments na gagamitin sa seag, pinahahanda na

PINAHAHANDA ni Philippine Sports Comm­mis­sion (PSC) Chairman William “Butch” Ramirez kahapon ang pagsasaayos ng pagbili ng mga kaga­mitang kailangan para sa pagho-host ng bansa sa darating na 30th Southeast Asian Games at masiguro rin ng Sports Associations na kumikilos ang mga ahensiya at Philippine Olympic Com­mittee (POC) at nagtatraba­hong mabuti para sa mga requirements na kailangan sa biennial meet.

“The PSC and POC, through Cavite Rep. Abra­ham “Bambol” Tolentino have taken steps to ensure that the National Sports As­sociations will have their equipment ready for the their hosting of the SEA Games,” pagtalakay ni Ra­mirez.

Inisa-isa nina Ramirez, Chief of Mission ng SEA Games at POC chief Tolen­tino ang mga mekanismong tutukoy sa kukumpletuhing technical requirements para maging matagumpay ang event na idaraos sa bansa sa Nob. 31 hanggang Dis. 11.

In-charge ang POC sa pagbili ng mga kagamitan, ayon kay Tolentino na ire-report naman ng NSA base sa requirements ng Asian and International Federa­tions. “These equipment will be based on the requests of the NSA. The Philippine SEA Games Organizing Com­mittee (Phisgoc) will in­form us of the requirement based on the NSA requests to the PSC, which will pro­vide the financial assistance for their purchase,” saad ni Tolentino.

Tiniyak din ni Tolentino na lahat ng kontrata at pur­chases ay may ‘transparen­cy’ at masusunod ang mga requirements ng gobyerno kabilang na ang Commis­sion on Audit at Dept. of Budget and Management (DBM).

Sinabi ni Ramirez na all-out support ang gobyerno sa SEAG. “Government will fund what is needed, espe­cially by the NSA, when they host their respective events. We have a few months left. But we have ample time to purchase all the necessary equipment needed by the NSA in hosting their events.” (MC)