Saka Ni: John Rey Seminiano Reonico

What's IN, ka-Bulgar

Magtanim ay ‘di biro,

maghapong nakayuko,

takal ng bigas ay ‘di puno, tiyan nami’y kumukulo.

Nasaan na, oh, bayan ko

ang iyong mga ipinangako?

Kaming gumagawa ng ihahain, sariling sikmura’y hindi mapakain.

Nakalimutan ko na nga

ang lasa ng karne, dugo’t pawis ang mukha,

Kamay’ puno ng kalyo’t dumi.

Sigaw namin at hiling,

sana’y mabigyang-pansin, likha ko’y huwag sayangin,

atin itong linangin.

Kapag ang oras ay dumating, na ang sinag ay dumilim, sana’y inyong malaman,

halaga nitong yaman.

Magtanim ay ‘di biro,

nawa’y inyong mapagtanto, kapag kami’y sumuko na,

lahat kayo ay nganganga.

Magandang araw, mga bes! ‘Wag nang magpahuli sa trend at i-share na ang inyong #Hugot at i-con­fess mo na, bes ang matagal mo nang gustong aminin sa bagong column ng BULGAR na WHAT’S IN, KA­-BULGAR? Ito na ang perfect timing para ma-publish ang laman ng inyong dam­da­min kaya mag-send na ng personal message sa aming official Face­book page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!