Binreyk ang BF pero hindi maka-move on at sising-sisi
Dear Roma,
ako si Barbara, may naging boyfriend ako for 3 years. Hindi ko ipinahalatang head over heels in love ako sa kanya dahil 2nd year college lang ako nu’n kaya hindi ko siya magawang ipakilala sa pamilya ko at isa pa ay long distance ang aming relasyon. Pakiramdam ko, hindi ko siya deserve dahil ito lang ako, samantalang, siya, super-guwapo, mayaman, talented at skillful pa. Malayung-malayo kami, hindi lang sa distansiya kundi sa napakaraming bagay. Dahil du’n, gumawa ako ng paraan para kalimutan na niya ako. Pero, Roma, sobrang sakit. Halos 4 taon na ang nakalilipas, pero hindi pa rin ako maka-move on sa kanya. Nagsisisi rin ako na hindi ako nagpakatotoo sa kanya, naiisip ko ring baka kung naging open lang ako sa kanya, baka nag-work ang relasyon namin. Pero ngayon, nakikita ko sa mga larawan niyang masaya na siya. Paano ba makalimot? Siya kasi, parang napakadali lang niya akong nakalimutan. — Barbara
Ang pagmu-move on ay mahirap talaga, lalo na kung mahal na mahal mo ang tao. Pero, kung ikaw na lang ang lumalaban, mas mainam kung sarili mo naman ang uunahin mo. ‘Ika nga, sarili muna bago ang ibang tao. Alam naming makakayanan mo ‘yan dahil marami na ang dumaan sa ganyang sitwasyon. Good luck, sis!
Comments