Piolo, John Lloyd, Echo, Daniel, Enrique, etc., itinaob… ALDEN, NO. 1 SA 100 MEN OF STAR CINEMA!

Nitz Miralles / BIDA

SA September 16 na ang world premiere ng primetime series ng GMA-7 na The Gift na pinagbibidahan ni Alden Richards at mula sa direction ni LA Madridejos.

Ginagampanan ni Alden ang role ni Sep, a visually-impaired fruit vendor in Divisoria na makikita ang past and future.

Sesentro ang series sa hope, transformation at inspi­ration. And for his role, nagkaroon pa ng immersion si Alden sa Resources for the Blind.

Gusto ni Alden ang role niya sa The Gift na hindi mayaman at makaka-relate ang iba sa mga pagdaraanan niya at maging inspirasyon sa tao.

Sa mga darating na araw, malalaman ang respective roles ng mga kasama ni Alden dahil ang alam pa lang, si Jean Garcia ang biological mom niya at si Jo Berry ang nag-alaga sa kanya.

Kaya kahit sunud-sunod ang pag-alis sa bansa, kapag nandito siya, nagte-taping si Alden dahil malapit na ang pilot at airing ng The Gift. Inilabas na ng GMA-7 ang first teaser na mukha pa lang ni Alden ang ipinakita.

Anyway, dahil sa napanalu­nang Asian Star Prize Award sa 14th Seoul International Drama Awards, napa­sama si Alden sa listahan ng Inquirer na Faces of the News: Sept. 1, 2019. Kasama niya sa lis­tahan sina Bureau of Correction Director General Nicanor Faeldon, retired Pasig City Judge Harriet Demetriou, Sen. Bong Revilla and UK Prime Minister Boris Johnson.

Kasama rin si Alden sa 100 Men of Star Cinema na kinabibilangan ng mga actors na gumawa ng peli­kula sa Star Cinema. Sa napanood na­ming video, kasama rin sina Tonton Gutierrez, Raymond Bagat­sing, Rayver Cruz, Vin Abrenica at Tirso Cruz III. For sure, kasama rin sa list si Dingdong Dantes dahil maraming pelikula na ang nagawa niya sa Star Cinema.

May balita lang na may mga fans daw na nagri-react na nakasama si Alden sa listahan (number one pa) ng 100 Men of Star Cinema. Tinaob nga naman ni Alden sina Piolo Pascual, John Lloyd Cruz, Jericho Rosales, Daniel Padilla, Enrique Gil at marami pang iba.

Pero talaga namang gumawa siya ng pelikula sa Star Cinema at showing pa nga hanggang ngayon ang Hello, Love, Goodbye nila ni Kathryn Bernardo. Baka kaya naman siya inilagay sa number one ay dahil letter “A” ang start ng name niya o dahil top grossing film of all time ang movie nila ni Kathryn?