Na-rape, ayaw tanggapin ang anak, gustong ipasa na lang sa iba

Dear Roma,

Itago na lang ninyo ako sa pangalang Vero­nica, 20 years old at may 2-anyos na anak. Sumu­lat ako sa inyo dahil naiinis na ako sa mga tao sa pa­ligid ko. Puro na lang sila pambabatikos sa akin, na­karirindi na! Ayoko na kasi sa anak ko, madalas ko ‘yang nararamdaman. Sa tuwing nakikita ko kasi siya, naaalala ko lang ‘yung masalimuot na nang­yari sa akin. Nu’ng nagtatrabaho ako sa bar, isang araw ay sobra akong nalasing. May customer du’n na dinala ako sa mo­tel nang hindi ko alam. Nalaman ko na lang kina­bukasan sa front desk. Ma­tapos ang ilang linggo, nalaman kong buntis ako. Gusto ni mama na ku­nin muna ang bata at sila na raw ang magpapalaki. Tama lang sigurong ibi­­gay ko siya sa kanila, ‘di ba? — Veronica

Veronica,

Sadyang kumplikado ang sitwasyon mo, iha, ngu­nit, ang bawat problema ay may solusyon. Sa totoo lang, walang kasalanan ang bata kung anuman ang nang­yari sa iyo at sa lalaking tinutu­koy mo, pero sis, wala na ngang kalalakihang ama ang anak mo, ngayon mo pa ba siya iiwanan? Higit na mas kaila­ngan ka niya ngayon. Pero, kung hindi mo na talaga ka­yang maging ina sa anak mo, makabubuti kung ipau­ubaya mo na lang muna siya sa nanay mo, lalo na at ikaw na rin ang nag­sabing gusto nilang pala­kihin ang anak mo. Sa ga­nitong paraan, magkaka­roon ka ng pagka­kataong ayusing muli ang sarili mo. Nauunawaan natin na min­san, ang mga tao sa paligid natin ay nakakainis dahil sa paulit-ulit nilang paalala, ngunit, darating din ang pa­nahong mami-miss mo ang lahat ng pangaral nila. Sad­yang mahirap ang sitwasyon mo, pero tiwala lang, sis! Ma­kakaya mo rin ‘yan. God bless!