Hibang na pagmamahal Ni: Ronalyn Semininano Reonico
Minsa’y nauhaw itong puso sa pag-ibig.
Hinamak ang lahat para lamang sa ilog, paulit-ulit na naipadaramang sakit.
Tila binabalewala, ‘di alam kung bakit.
Sa kabila ng pait at paulit-ulit na laro, ‘di maipaliwanag kung bakit ayaw pang lumayo.
Pusong marupok, ipinaiiral ay katangahan, hindi bumitiw kahit paulit-ulit nang nasaktan.
Ilang beses nang nasaktan,
ilang beses nang sinayang at iniwan.
Ilang ulit na at hindi na rin mabilang, napakaraming bagay at taong humahadlang.
Sarili’y palaging ipinipilit,
sa mundong puno ng panlalait.
Pinipilit ang sariling kumapit sa mundong nagnanais ng langit.
Lamat sa puso’y tila lumalala, binabasag, winawasak ng pait ng alaala.
Sakit, tila hindi na maka-yanan kaya sarili’y mulat, ngunit, hindi matauhan.
Magandang araw, mga bes! ‘Wag nang magpahuli sa trend at i-share na ang inyong #Hugot at i-confess mo na, bes ang matagal mo nang gustong aminin sa bagong column ng BULGAR na WHAT’S IN, KA-BULGAR? Ito na ang perfect timing para ma-publish ang laman ng inyong damdamin kaya mag-send na ng personal message sa aming official Facebook page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!
Comments