Preparasyon ng seag, tutukan matapos ang tripartite deal

IKINALUGOD ng Philippine Sports Commission (PSC) Chairman William “Butch” Ramirez kahapon ang pagkakaroon ng tripartite agreement sa pagitan ng PSC, Philippine Olympic Committee (POC) at ng Philippine Southeast Asian Games Organizing Committee (PHISGOC) dahil iyon ang naging daan upang makapagkonsentra na ang bansa sa paghahanda ng iho-host na biennial games.

“Now we can move on,” ayon kay Ramirez, na siya ring Chief of Mission ng Team Philippines. Ayon kay Rami­rez, napakahalaga aniya kay Pangulong Rodrigo Duterte ang preparasyon ng bansa sa SEA Games makaraan ang special elections na pinana­wagan ng POC maging ang pagbibitiw ni dating pangulo nito na si Ricky Vargas. “Now that the internal issues of the POC have been settled and will all of its officials now moving in the same page, government— through the PSC, and all the other agencies with stakes in the Games, can now also move forward with the preparations,” saad ni Ramirez. Idinagdag pa niya na natututukan na rin ni newly-elected POC President Abraham “Bambol” Tolen­tino ang pagmando sa National Sports Associations (NSA) bilang toka sa hosting. “The success of the SEA Games will rest ona the now very pronounced cooperation among our sports leaders. Rep. Tolentino is able to galvanize the once contenting sports leaders into a cohesive group that yes, we can now say the SEA Games is definitely a go,” ani Ramirez.

Susuportahan din ng PSC ang pangangailangang tek­nikal ng NSA bukod sa pa­tuloy na programa upang umibayo pa ang tsansa ng mga atleta na mapondohan ang training sa bansa maging sa ibayong dagat. Idaraos ang SEAG sa Nob. 30- Dis. 11 sa iba’t-ibang venue sa Lu­zon. Ang main venue ng Games ay sa Clark at Subic. Sina Rami­rez at Tolentino ay makiki­pag­­pulong sa POC Board at iba pang NSA officials sa Huwebes at pag-uusa­­pan ang papel sa SEA Games. (MC)