Naghuhukay ng lupa gusto ng instant yaman

Socrates Magnus

Salaminin natin ang panaginip ni Lj Palana ng Lj_Palana@facebook. com

Dear Professor,

Puwede ba ninyo akong tulungan sa panaginip ko? Marami na akong napag­tanungan pero, wala pa ring nakasasagot.

Ilang beses na akong nanaginip na may naghu­hukay sa tuyong lupa na kulay brown. Magkaka­sunod na araw nang ga­nu’n ang panaginip ko.

Sana, masagot ninyo kung ano ang pahiwatig nito?

Salamat!

Naghihintay,

Lj Palana

Sa iyo, Lj Palana,

Maaaring may nakasa­got sa tanong mo tungkol sa iyong panaginip, pero maa­aring hindi mo nagustuhan ang kanilang kasagutan, as in, hindi ka nasiyahan.

Ito ang sagot ko sa iyo, pu­wedeng hindi mo rin ma­gustuhan o baka mamangha ka pa at hindi makapani­wala.

Sa “may naghuhukay sa lupa”, ibig sabihin, hindi ikaw ang naghuhukay kundi ibang tao. Ito ay nagsasabing, may kakilala ka na gustong yuma­man sa mabilis na pa­raan na parang ang kayama­nan ay nakabaon sa lupa.

Eh, bakit kaya na­panagi­nipan mo? Ito ay dahil ikaw din ay naniniwala na may na­kabaon na yaman sa lupa. Maaaring sabihin na wala sa isip mo ang ganu’ng bagay, pero sinasabi sa iyo ng pa­naginip na kapag may naka­usap ka na naghaha­nap ng kayamanan o trea­sure hun­ter, ikaw ay mabilis na mapa­niniwala.

Mag-ingat ka dahil ma­rami nang nabiktima ang mga nagpakilalang sila ay mga treasure hunter. Baka sa ha­lip na yumaman ka o madag­dagan ang yaman mo ay ma­bawasan pa ito at maghirap ka pa.

May isa pang hindi ka­pani-paniwala sa panagi­nip na tulad ng sa iyo na naghu­hukay sa kulay brown na tu­yong lupa. Ano kaya ‘yun?

May kakilala ka na may sakit at ang kanyang sakit ay hindi matukoy ng doktor, pero ang kanyang kagalingan ay nakasalalay sa kapritso ng tinatawag na “laman­lupa.” Gagaling kaya siya? Ang sagot ng panaginip mo ay oo.

Hanggang sa muli,

Professor Seigusmundo del Mundo