Sa reklamong korupsiyon na fake news lang naman... MGA ABOGADO NG PAO, PUMIRMA NG PAGSUPORTA SA INYO

PAO CHIEF PERSIDA ACOSTA / DAING MULA SA HUKAY HUSTISYA

ANG daing ng mga biktima mula sa hukay ay maririnig sa pamamagi­tan ng mga buhay na kamag-anakan — nanay, tatay, ate, kuya, lola, lolo at iba pang nagmamahal na miyembro ng pamilya, gayundin, ang mga abo­gado ng bayan mula sa Public Attorney’s Office (PAO) kung saan ipi­nagkatiwala ng ka­nilang mga mahal sa buhay ang pakiki­pag­­laban para sa ka­nilang mga kaso. Ngu­nit, paano kung ipina­tatanggal nang wa­lang batayan ang ka­nilang mga tagapag­tanggol, lalo na ang Punong Mananang­gol Pambayan?

May mga bali-ba­lita na ang inyong ling­kod bilang Punong Ma­nananggol Pambayan o Chief Public Attorney ay inirereklamo dahil umano sa korupsiyon na nagaganap sa PAO. May mga manananggol pambayan pa diumano na nagsagawa ng mani­festo kaugnay dito, ngu­nit, matindi nilang pinabulaanan ang na­sabing paninira. Mariin nilang sinabi na hindi sila papayag na gamitin ang ka­nilang pangalan sa kahina-hinalang balakin at pamama­raan upang maisulong ang pansariling interes ng naninira sa inyong lingkod.

Ang nasabing manifesto ay ginamit ng pribadong abo­gado sa kanyang walang ba­sehang reklamo. Ito rin ay nagsilbing ugat ng fake news. Ang manifesto na ito ay wa­lang pirma at kalakip na ma­tibay na batayan, kumbaga, ito ay walang gulugod kaya hindi nito kayang tumayo at manindigan.

Ito ba ang pa­mantayan ng nasabing pri­ba­dong abogado na nag-aakusa sa legal at karapat-dapat na tanggaping ebiden­siya sa hu­kuman? Sa kabi­lang banda, ang mga mani­pesto na isina­gawa ng mga public attor­ney at karani­wang empleya­do ng PAO ay pirmado — ang bawat pirma ay isinulat ng totoong kawani ng aming tanggapan na bo­luntaryo at marubdob na nag­papahayag ng suporta sa inyong lingkod.

Sa pirmadong manipesto ng mga kawani ng PAO, na­kasaad ang mga sumusunod:

“Kami, na mga kawani ng Public Attorney’s Office ay nagpapatunay na walang nagaganap na korupsiyon o katiwalian sa aming tang­gapan. Hindi kami nanini­wala sa mga lumabas na ba­lita sa diyaryo, telebisyon, radyo at internet na ang aming hepe na si Dra. Persida V. Rueda-Acosta ay sangkot diumano sa korupsiyon at ka­tiwalian sa aming tangga­pan. Ito ay isang fake news na hindi dapat bigyan ng pansin at paniwalaan. Kami ay patuloy na sumusuporta sa aming hepe at naniniwala sa kanyang kakayahan na mamuno sa aming tangga­pan nang buong puso at katapatan at walang bahid ng korupsiyon at katiwalian. Dapat itigil na ang paggamit ng falsified manifestation. Itigil na ang paggamit sa pangalan ng PAO para lang mag-“character assassina­tion”. Itigil na rin ang demo­lition job at black propagan­da. Bilang tanda ng aming pagsuporta at patunay na wa­­lang nangya­ya­ring ano­malya, korup­siyon at kati­wa­lian sa aming tanggapan, kami ay lumagda sa ibaba nito.

Sa isa pang mani­pesto, tahasang iti­nang­­­gi ng mga abo­gado sa PAO-Central Office ang ipinaaako sa kani­lang “anony­mous ma­ni­festation” kung saan pinasusus­pinde diu­ma­no nila ang in­yong lingkod bilang Chief Public Attorney. Anila, kahina-hinala ang mga pakana ng to­toong pi­nagmulan ng kuwesti­yunableng ma­nifesto na nagsusulong ng per­sonal na kada­hi­la­nan. Dagdag pa nila, ang in­tensiyon nito ay pani­ni­rang-puri o kaya ay “demolition job” sa PAO at sa pinangala­nang opisyales dito upang mahadlangan ang kanilang pagganap sa kanilang mga tung­kulin nang may buong kalayaan at naaayon sa mandato ng PAO na naka­saad sa Republic Act No. 9406.

Narito ang bahaging ito ng naturang manifesto ng mga abogado sa PAO-Cen­tral Office: “the undersigned public attorneys herein cate­gorically deny the alleged sub­ject anonymous manifes­tation that has become the subject of fake news. We did not write the subject manifes­tation, nay submitted the same to the Office of the Om­budsman. Obviously, the ma­nifestation was fabricated by someone else; unscrupu­lous person/s who resort to shady schemes and strate­gies to advance their perso­nal cause. As we perceive it, the malicious and deroga­tory statements con­tained therein are in­tended to ma­lign the PAO and other named officials therein, and prevent them from inde­pendently performing their duties to render, free of charge, legal representation, assis­tance, and coun­sel­ling to indigent per­sons in criminal, civil, labor, administrative and other quasi-judi­cial ca­ses as manda­ted by Re­public Act No. 9406, com­monly known as the Public Attorney’s Office Law. It is a de­molition job; an af­front to the in­dependence and integ­rity of the PAO.”

Dahil sa mga na­banggit, kanilang kino­kon­dena ang gawaing ito ng mga despe­radong tao sa pagga­mit ng kasinu­nga­lingan at panlilin­lang. Anila, nakaka­ladkad ang mga in­osente sa panini­rang ito sa re­putasyon ng PAO sa pama­magitan ng hu­wad na mga do­kumento. Anila: “We here­by condemn the practice of desperate per­sons in em­ploying deceit and dragging otherwise innocent persons in their devious plan to tar­nish the reputation of the pao by using falsified do­­cuments.”

Nanawagan din sila sa me­­dia na tigilan na ang pag­gamit sa kanilang mga pa­nga­lan, service at division na ki­na­bibilangan nila sa kon­tro­bersiya na wala silang par­tisipasyon at kinalaman. Anila: “We also call on the media to refrain from drag­ging us, by reference to the name, service/division that we belong to, otherwise, into this controversy, where we have no participation nor au­thorship of the alleged ano­nymous manifestation.”

Hindi na kailangan pang sabihin sa media ang bina­bang­git ng naturang mga pub­­lic attorney, pero hindi ka­­sa­ma ru’n ang minamahal at inirerespeto na paboritong pahayagan ng mga Pilipino — ang BULGAR, gayun­din, ang mga responsableng manunulat at reporter sa tri-media at social media.

Hindi sila naghahatid ng mga balita lamang, sila ay nagbibigay ng kaliwanagan sa totoong mga kaganapan upang makatu­long sa pag­hul­ma ng makat­wi­rang opin­yon ng sambaya­nan. Ito ay malaking karanga­lan para sa PAO, ang maka­sama sila sa patuloy naming laban para sa mga biktima ng Dengvaxia.

(Itutuloy)