Mundong mapanghusga! Ni: Kristine Lira Deronia David

What's IN, ka-Bulgar

Pipi, bulag, bingi, malandi,

ang mga salitang naririnig ko palagi.

Sabi ng ating bayani, kabataan ang pag-asa ng bayan.

Pero, kabataan ang sumisira sa kalikasan

Kabataan ang gumagawa ng mga maling paraan

liptint, foundation, eye liner at

mga polseras sa katawan na pawang

Christmas Tree na hindi maintindihan.

Maganda na ba ‘ko?

Katanungan ng mga Pilipino.

Ba’t ba hindi na lang kayo makuntento

kung anong meron tayo?

Lakwatsa sa umaga,

uuwi nang may dala-dala sabay iyak sa ina na mali ang kanyang ginawa.

Mga tambay na walang ginawa kundi kumaway.

Mga lasenggo na walang ginawa

kundi uminom ng alak at magbisyo.

Akala mo kung sinong nakatambay sa kanto.

Pagagalitan ang mga baklang wala namang ginagawa

na akala mo’y perpekto.

Mga taong nagmamalinis

na akala mo kung sinong kaylinis.

Patayan, sugatan, takutan, perahan.

Mga Pilipino, anong nangyari sa inyo?

Gumising tayo at baguhin ang kabataan

na nagbago ng nakaraan.

Magandang araw, mga bes! ‘Wag nang magpahuli sa trend at i-share na ang inyong #Hugot at i-con­fess mo na, bes ang matagal mo nang gustong aminin sa bagong column ng BULGAR na WHAT’S IN, KA­-BULGAR? Ito na ang perfect timing para ma-publish ang laman ng inyong dam­da­min kaya mag-send na ng personal message sa aming official Face­book page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!