RAVENA, BALIK GILAS NA!

SA wakas, pagkalipas ng mahigit isa at kalahating taon, makababalik na rin at muling makapaglalaro sa Gilas Pilipinas si Kiefer Ravena.

Bukas, Agosto 25 ay lalaro na siya matapos ang 18 buwan na suspensiyon na ipinataw sa kanya ng International Basketball Federation o FIBA. Pormal na magtatapos ngayong araw, Agosto 24 ang suspensiyon sa Gilas Pilipinas guard. Sasalang na si Ravena sa ikalawang friendly game ng Gilas kontra Adelaide 36ers sa Meralco Gym. Laking pasasalamat ni Ravena at natapos na rin sa wakas ang mistulang mahabang bangungot sa kanyang buhay partikular sa kanyang basketball career.

“It’s been a while, pero sulit naman ‘yung paghihintay kasi nahanda ko rin ‘yung sarili ko na kaya kong makipag-compete ulit sa ganitong klase ng level,” pahayag ni Ravena sa naunang panayam sa kanya ng Spin.ph. “‘Yung 18 months na nawala ako, feeling ko naman hindi nasayang kasi nakakasabay pa naman ako kahit paano.”

Inamin ng dating UAAP MVP at No. 2 overall pick noong 2017 PBA draft na hindi rin niya alam ang mangyayari at kung anong maaasahan sa unang laro sa muli niyang pagbabalik. “Kahit ako, hindi ko rin alam kung ano ‘yung ie-expect ko sa sarili ko. Siguro ‘yung gigil na nasa loob ko after 18 months, hindi ko rin alam kung ano ang kalalabasan nito,” wika ni Ravena. “So we have to find a balance between intensity and ‘yung pagiging kalma pa rin.”

Samantala, bomalabs nang makalaro si Jordan Clarkson sa Gilas para sa paglarga ng FIBA World Cup. Sa pag-alis ng Gilas team patungong China, sinabi ni head coach Yeng Guiao na hindi na kayang ihabol si Clarkson sa team dahil hindi pa rin nila mahilot ang FIBA. “As you’re aware, Jordan’s worked extremely hard to stay prepared for the ‘call to duty,’” saad ni Mike Clarkson, ama ni Jordan na lumabas sa ABS-CBN.

“However, he isn’t a selfish player and wouldn’t want to be a disruption to the team. Team chemistry is paramount when competing against the best players in the world. Unfortunately, without adequate practice time, their rhythm can be adversely affected. The Gilas are a very talented group and play well together. I’m looking forward to watching them go to work! The entire Clarkson family will be there in spirit rooting for them to come out victorious.” (VA/MC)