Pagbabalik ng Nakalipas Ni: Ronalyn Seminiano Reonico
Lubos na kasiyahan sa hiram na oras, istorya ng buhay ay lubos nang kumupas.
Larawa’y kay tagal nang hindi nasisilayan.
Tila ika’y abala kaya nalimot na ang tagpuan.
Maliit at maiksing usapan ay hindi magawa.
Ihip ng hangi’y nagbago, ika’y nagsawa.
Napakaraming guwardiya na humaharang, ngunit, narito pa rin at sa iyo’y nag-aabang.
Wala nang ibang magawa kundi magsisi kalayaang hiniling, kapalit pala’y hapdi.
Kung noon sana, napagtanto iyong halaga, ngayon, ika’y salitang tila talinghaga.
Nais balikan ang alaala ng ating kahapon, ngunit, ‘di na puwede pa sa puso’y lumalason.
Kung ang iyong pintuan ay nabalot na ng kadena, mag-hihintay na iyong binta-na’y buksan ng tadhana.
Magandang araw, mga bes! ‘Wag nang magpahuli sa trend at i-share na ang inyong #Hugot at i-confess mo na, bes ang matagal mo nang gustong aminin sa bagong column ng BULGAR na WHAT’S IN, KA-BULGAR? Ito na ang perfect timing para ma-publish ang laman ng inyong damdamin kaya mag-send na ng personal message sa aming official Facebook page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!
Comments