Ay, ay, ay! Walang pag-ibig? SEXY STAR, INOSENTE KUNO PERO HUSTLER, KONTING EMOTE, NAKAKAHUTHOT SA M

BLIND ITEM:

MEDYO nananahimik na ang mundo ngayon ng isang dating sexy star na kinabaliwan noon ng mga kalalakihan.

Marami siyang celebrities na naka­re­lasyon, merong mga pulitiko at bas­ketball stars. At usap-usapan din sa showbiz circle ang short-lived relation­ship niya sa isang pamosong sports­man-politician.

Simpleng-simpleng dumiskarte at mag-flirt ang magandang sexy star kapag type niya ang isang guy, pa-sweet at painosente ang kanyang peg. Hindi mo talaga aakalain na beterana na siya sa pakiki­pagre­lasyon.

Napapaniwala niya ang mga lalaki na seryoso siya sa pakikipagrelasyon. At pang-Best Actress ang akting niya kapag nag-e-emote siya sa mga lalaking nabihag ng kanyang kagandahan. Kaya naman, living in style, nakakapag-travel at nakakapagnegosyo ang sexy star na ang sponsors ay ang kanyang mga “papa”.

Bonggacious kung siya ay regaluhan ng dalawa sa pinakasikat na male celebrities na kanyang nakarelasyon. Kaya naman kapag may isyung ibinabato sa sexy star, naaalala niya ang dalawang sikat na personalities — isang big, big star at isang super-sikat na sportsman/politician.