CARGO MOVERS, FINALIST NA

NAGMARTSA ang F2 Logistics sa ikaapat na Philippine Superliga All-Filipino Conference Finals nang pabagsakin ang Foton, 25-19, 25-23, 17-25, 25-19, sa semifinals kagabi sa Muntinlupa Sports Center.

Hindi na nag-aksaya ng panahon ang Cargo Movers at sinamantala ang twice-to-beat advantage sa bisa ng tikas nina Kalei Mau, Majoy Baron at Kianna Dy pagdating sa 4th set at tinigpas ang Tornadoes na pinamumunuan nina sisters Jaja Santiago at Dindin Santiago-Manabat sa loob ng 2 oras at 12 minuto na laro. Naabot ni Mau ang una niyang PSL Finals para sa Cargo Movers sa 16 points at dagdag na 12 digs at eight excellent receptions, habang si skipper Aby Maraño ay may 9 kills, 3 blocks at 12 puntos.

Naging instrumento sina Galang at Baron sa 9 at 7 puntos. May nagawang 24 excellent sets sina Kim Fajardo at Dawn Macandili sa 30 digs. “Well, Foton was a big challenge. But entering the Finals will be our biggest test. This is an unfinished business for us,” ayon kay F2 Logistics head coach Ramil De Jesus, na huling nagwagi ng All-Filipino title noong 2016. Ang best-of-three finals series ay nakatakda sa Sabado sa Smart-Araneta Coliseum kung saan haharapin ng F2 Logistics ang magwawagi sa iba pang semis pairings na pinag-aagawan kagabi ng Petron at Cignal habang isinusulat ito.

Nabigo ang Cargo Movers na tapusin sa 3rd set ang laban nang magpasabog ang Tornadoes ng 5-0 start sa tikas ni Ivy Perez 23-15, habang ang Santiago Sisters, Shaya Adorador at Eya Laure, 23-15 ang nakapuwersa ng sumunod na set. Binura ng F2 Logistics ang 13-14 deficit na pitong iskor mula kina Maraño, Galang at Mau para sa 20-14 lead bago nakagawa si Baron ng back-to-back points para sa 22-15. (MC)