2 NPA, sumuko
Pabs Hernandez III
Aug 21, 2019
1 min read
ZAMBALES—Sumuko ang dalawang miyembro ng New People’s Army (NPA) kamakalawa sa provincial headquarters ng Philippine National Police (PNP) sa bayan ng Iba.
Para sa kanilang seguridad ay hindi na pinangalanan ng mga awtoridad ang dalawang sumukong rebelde na sa ngayon ay pawang isinasailalim sa taktikal na interogasyon.
Nabatid na isinuko rin ng mga NPA ang dala nilang mga armas at mga subersibong dokumento.
Ayon sa dalawang sumukong NPA, nais na umano nilang magbagong-buhay kaya nagpasya silang magbalik-loob sa pamahalaan.
Comments