French fries, mashed potato, hash brown, potato chips etc... PAGKAIN NG PATATAS, NAKAKAANTOK!

Ronalyn Seminiano Reonico / Gulat ka 'noh?!

KAWAY-kaway sa mga tropa nating estud­yante ri­yan. Totoong ma­sarap kumain ng snack, lalo na habang gumagawa ng thesis, research paper o kung ano pa mang kaila­ngang gawin sa esku­we­lahan.

Kung mahilig kayong ku­main ng patatas, mapa-baked potato man ‘yan, french fries, mashed potato, hash brown o potato chips, para sa ‘yo ‘to, lodi!

Knows ba ninyong ma­ling desisyon ang pag­kain ng patatas sa mga panahong kaila­ngang-kailangan mong maging alive, ener­ge­tic at gi­sing na gi­sing? Huh, bakit?

Ayon kay Ho­lis­tic Business and Nut­ritional Counselor Sarah Hines, dahil ma­taas ang gly­cemic index ng patatas, na­aapektuhan nito ang amino acid na sleep-inducing o ti­natawag na tryptophan sa brain.

Sey ng How to Grow Potatoes, ito ay punum­pu­no ng carbohydrates na ka­pag na-digest at na-meta­bolize sa katawan natin ay makararamdam tayo ng antok. Anila, sa loob lamang ng 20 minutes, ang carbohy­drates na kinain natin ay ku­makalat na sa ating blood­stream.

Gayunman, ang mabilis na pagkalat ng blood sugar ay magbu-boost ng energy sa loob lamang ng ilang minuto. Pag­katapos ng isang oras, ang blood sugar level ay magsisimula nang ma-stabilize, kaya sa puntong ito, mataas ang tsansa na makararamdam na tayo ng antok at pagkapagod.

Sa totoo lang, hindi ma­sama ang pag­kain ng pa­ta­tas o ang mga pagkaing sagana sa carbohydrates dahil sey ng experts, ito ay nakapagbu-boost din ng happiness, pero, mga lodi, ang payo ng reflexologist na si Helen Chin Lui, makabu­bu­ting iwa­san ang pagkain ng pa­tatas sa umaga hang­gang sa hapon at kung na­hihirapan tayong matulog sa gabi, pagkain lang ng patatas ang solusyon! Okidoki?