Bahay niratrat, magsasaka patay

NORTH COTABATO—Patay ang isang magsasaka at sugatan naman ang nakababata nitong kapatid nang barilin ng mga hindi kilalang armadong salarin ang kanilang bahay kamakalawa sa Bgy. Poblacion, Pikit.

Kinilala ang nasawi na si Steve, 27-anyos, samantalang, ang sugatan ay ang nakababata nitong kapatid na si Jake Delamide, 25, kapwa nakatira sa nasabing barangay.

Ayon sa ulat, pinagbabaril ng mga suspek ang bahay ng magkapatid na Delamide habang nasa loob sila nito na nagresulta sa pagkamatay ni Steve, habang sugatan si Jake.

Iniimbestigahan na ngayon ng pulisya ang motibo ng mga suspek sa pamamaril sa bahay ng mga biktima.