Motorboat tumaob 3 BATA NALUNOD, PATAY

NALUNOD ang tatlong bata sa Normandy Coast sa France matapos mapataob ng malakas na alon ang sinasakyang motorboat.

Malakas ang hangin nang maglayag ang motorboat sa Agon-Coutainville Beach.

Ayon sa mga awtoridad, agad dumating ang rescuers sa lugar para rumesponde ngunit, na-trap sa cabin ang tatlong bata na nasa edad pito, siyam at 13 dahilan para hindi mailigtas ang mga ito.

Pabalik na umano sila sa dalampasigan ngunit, naging mabilis ang mga pangyayari, ayon sa ina ng dalawa sa mga nasawi.

Sinubukan pa umano ng tatay ng mga bata na basagin ang bintana ng cabin ngunit, nabigo ito.

Ayon sa rescuers, maliit ang bangka para maglayag sa maalong dagat.