MAY TSANSA BANG MAKABAWI ANG LASHES AT HAZCHEM?

MAGTATANGKANG bumawi mula sa natamong kabiguan sa kani-kanilang ikalawang laban upang manatili sa ikalawang puwesto sa Group A ang mga baguhang koponang Asia’s Lashes at Hazchem sa pagsabak nila ngayong hapon sa 2019 PBA D-League Foundation Cup sa Ynares Sports Arena sa Pasig.Unang sasalang ang Asia’s Lashes sa pambungad na laro ng nakatakdang triple header kontra Nailtalk-Savio sa ganap na 1:30 p.m. Susunod ang Hazchem na haharapin ang iWalk sa ikalawang laban ng 3:30 p.m. bago ang huling salpukan ng 5:30 p.m. sa pagitan ng mga Group B teams—Hyperwash at Alberei.

Magkasalo sa ikalawang posisyon ng Group A ang Hazchem at Asia’s Lashes taglay ang patas na markang 1-1, panalo-talo kasunod ng mga namumunong Centro Escolar University at Marinerong Pilipino na kapwa may malinis na markang 2-0.Sa kampo ng mga katunggali, parehong magsisikap makapagtala ng kani-kanilang unang panalo ang Nailtalk at iWalk. Nakakadalawang talo na ang una habang bigo din sa unang laban nito ang huli noong Agosto 1 sa kamay ng AMA Online Education, 92-110.Nabigo ang Asia’s Lashes noon ding Agosto 1 sa kamay ng CEU Scorpions, 77-107 habang natalo ang Hazchem sa Skippers noong Agosto 5, 71-118. Gaya ng McDavid, parehong winless matapos ang kani-kanilang unang dalawang laro sa Group B, mag-uunahang makapasok win column ang Hyperwash at Alberei. (VA)