After binitbit abroad… ANDREA, NAIPAKILALA NA NI DEREK SA PAMILYA

Erlinda Rapadas / TEKA NGA

BUNTIS si Andrea Torres at ito ang shocking news para sa mga avid viewers ng The Better Woman. Tiyak na hindi ito katanggap-tanggap sa mga nakikisimpatya kay Jasmine, ang kakambal ni Juliet (na parehong ginagampanan ni Andrea) dahil mas magi­ging kumplikado ang sitwasyon.

But, in real life ay hindi nga pupuwe­deng mabuntis si Andrea dahil may mga commitments pa siyang dapat tapusin, kahit na nababalita pang super sweet sila ngayon ni Derek Ramsay na leading man niya sa The Better Woman.

Wala pang inaamin sa kanilang relasyon sina Derek at Andrea, although base sa kanilang mga iki­nikilos, makikitang super sweet na silang dalawa. In fact, naipakilala na nga ni Derek si Andrea sa kan­yang pamilya at kapag may sport competition ang aktor abroad, lagi niyang isinasama ang leading lady.

Marami naman ang boto saka­ling mauwi sa totohanan ang relas­yon nilang dalawa. Maraming ba­gay ang kanilang pinagkakasun­duan at perfect sila para sa isa’t isa. Pareho rin silang mapagmahal sa kanilang pamilya.

Pati ang malalapit na kaibigan ni Derek, ang wish ay matagpuan na ng aktor ang kanyang ideal life partner, ‘yung babaeng makakasama na niya forever. Hopefully, si Andrea Torres na nga ‘yun!