May-ari, naghahabol sa suot ng 2019 Miss Universe-Phils… DAMIT NI GAZINI GANADOS, IBINUKING NG PINOY

Beth Gelena / BULGARY FILES

ANO kaya ang reaksiyon ng 2019 Miss Universe-Philippines na si Gazini Ganados na ang isa sa kanyang mga isinuot ay ang na­wawala di­umanong damit ng London-based Pinoy designer na si Lesley Mobo?

Ayon kay Mobo, year 2015 pa nawawala ang “missing dress” na siya ang may likha. Matagal daw niyang pinaghahanap ang nasabing disenyo, pero hindi niya ito makita. Laking gulat daw niya na ang nawawalang disenyo ay nakita niyang ibine­benta online at suot ni Miss Universe-Philippines 2019.

Ipinaalam ni Lesley sa kanyang Facebook account ang tungkol sa nasabing “missing dress,” pero agad din niya itong binura.

Aniya sa kanyang FB page, “What would you do if you… find your missing archive dress suddenly being worn by a beauty queen and you’re not even aware of it… and not even credited.

“I think she looks good of it…but…could do with a little help… been looking for it since 2015. (How it landed there?) How can I get it back? Should I buy it back? Can I even buy it back?”

Isa ring screenshot ng shopping online ang nakita ng Pinoy London-based designer kung saan for sale ang nasabing “missing dress.”

Caption ng designer, “OMG, someone just sent this to me. Someone out there is letting or selling this gown? But with a retail price? How come? Hindi naman for sale ang damit? What website is this please! Can I buy it privately?”