PAGBABAGA NG BLAZE SPIKERS, ININDA NG CARGO MOVERS

IPINAMALAS ng Petron Blaze Spikers ang puso ng isang kampeon nang putulin na ang dalawang set deficit at tapusin ang F2 Logistics sa 11-games unbeaten run sa bisa ng 26-28, 27-29, 25-19, 25-20, 15-6 victory sa Philippine Superliga All-Filipino Conference kagabi sa Arena ng San Juan City.

Humulagpos ang Blaze Spikers sa pakay na pagwalis sa kanila ng Cargo Movers nang iwanan sa 2 sets, pero hindi sumuko at kinuha ang panalo sa 2 oras at 41 minutong aksyon. “When we went down, of course, we were disappointed, but in both sets, we’re just short of two points,” ayon kay Petron head coach Shaq Delos Santos kasunod ng impresibong panalo para lumider sa standings ng prestihiyosong women’s club league. “But I told them not to give up and take it one set at a time.”

Lagpak pa sa 0-2 nang humalimaw si Sisi Rondina sa 3rd set, katuwang si Bernadeth Pons sa 4th frame at wala nang lingon-likod na nagbaga ang laro. Sinabayan ang umaapoy na laro ng defending champion sa fifth set ni Rhea Dimaculangan at sinamantala ang apat na errors ng Cargo Movers para itarak ang 10-0 score. Nakagawa si Kalei Mau para sa F2 Logistics ng 6 puntos, 14-6 pero pinigilan siya ni Pons sa blockings. Nagpakawala naman si Rondina ng 22 points at 21 kills. May 20 puntos si Molina, 16 si Pons at 22 digs. May 10 puntos si Mika Reyes, habang si Dimaculangan ay may 32 excellent sets, at nakagawa ng 29 digs si Denden Lazaro. Nakuha na ng Petron ang solo first place para sa 12-1 win-loss record kasama ang 10 straight match win. May 25 puntos si Mau, 22 digs at 10 excellent receptions habang si Majoy Baron ay may 15 puntos at si Ara Galang ay may 14 marka. (VA/MC)