Ginang nalunod sa ilog

LA UNION—Isang ginang ang namatay nang malunod kamakalawa sa ilog na sakop ng bayan ng Rosario.

Ang biktima ay nakilalang si Maribel Mabalot, nakatira sa nabanggit na bayan.

Ayon sa ulat, tumawid sa ilog si Mabalot, pero bigla umanong rumagasa ang agos ng tubig kaya nalunod ang biktima.

Tinangka pa ng mga residente na saklolohan si Mabalot, pero tinangay na ng agos ang biktima hanggang sa matagpuan ang nakalutang na bangkay nito sa ilog.