Kelot binoga ng stepfather

BACOLOD CITY — Isang lalaki ang namatay nang barilin ng kanyang stepfather kamakalawa sa Bgy. Pahanocoy sa lungsod na ito.

Nakilala ang biktima na si Libert Villanueva, samantalang, ang suspek ay si Reynaldo Robles, kapwa nakatira sa nasabing barangay.

Ayon sa ulat, nagkaroon ng pagtatalo sina Villanueva at Robles na humantong sa pamamaril ng suspek sa biktima na agad nitong ikinamatay.

Nagpalabas na ng manhunt operation ang mga awtoridad para madakip ang suspek.