2 patay sa karambola ng 3 motorsiklo
- Pabs Hernandez III
- Aug 6, 2019
- 1 min read
MISAMIS ORIENTAL—Dalawa katao ang namatay at tatlo pa ang sugatan sa naganap na karambola o banggaan ng tatlong motorsiklo kamakalawa sa Bgy. Poblacion, Tagoloan.
Kinilala ang mga nasawi na sina Jude John Ascuna at Lester Cabanda, samantalang, ang mga sugatan ay sina Richie Quiñones, Crystal Molina at Cara Cabunoc, pawang residente sa nasabing lalawigan.
Ayon sa ulat, mabilis ang takbo ng mga motorsiklong minamaneho nina Ascuna, Joel Bacus at Gabe Bacus habang kaangkas ang kanilang mga backrider na sina Cabanda, Quiñones, Molina at Cabunoc kaya aksidenteng nagbanggaan ang tatlong sasakyan.
Dinala pa ng mga saksi ang mga biktima sa pagamutan, pero idineklarang dead-on-arrival sina Ascuna at Cabanda.
Comments