Nanay na nangungulila sa mga anak

Dear Roma, Evelyn ang pangalan ko at may tatlo akong anak sa iba’t ibang lalaki, lahat ng anak ko ay wala sa akin dahil mas pinili nilang sumama sa mga tatay nila. Sa ngayon, mag-isa lang ako sa buhay at nakikitira sa kapatid ko rito sa Bulacan. Gusto ko ng makita ang mga anak ko, sa tingin ninyo, dapat ko pa ba silang guluhin kahit alam kong masaya na sila kahit hindi nila ako nakikita? — Evelyn

Evelyn, Alam mo, bilang nanay mahirap talagang mawalay sa mga anak, kaya walang masama na gusto mo silang makita, siyempre, nami-miss mo rin sila. Nakalulungkot lang na nasa ganyan kang sitwasyon. Sana, dumating ‘yung araw na makita mo sila at makasama, gayundin, mapatawad ka nila sa mga pagkakamaling nagawa mo. Kaya mo ‘yan, sis! Good luck sa iyo!