Wala raw sa edad 'yan… ANNE, GAME PA RING MAGBUYANGYANG KAHIT MASYONDA NA

Vinia Vivar / FRANKLY SPEAK

HINDI nagkaroon ng kahit katiting na problema si Anne Curtis sa asawang si Erwan Heussaff sa mga intimate scenes niya with Marco Gumabao sa pelikulang Just a Stranger ng Viva Films.

“Si Erwan is very open about my work. He’s not strict or anything,” pahayag ni Anne during the presscon. “But I felt when I received the script, ‘Should I ask permission?’ Not necessarily ‘coz he understands my work completely.”

Pero bilang respeto pa rin siyempre sa asawa ay ipi­na­­basa raw niya rito ang script.

“I did let him read the script. Just out of respect, I guess. Just to see what he would say and he found it a beautifully-written script by Direk Jason Paul (Laxamana, na siya ring direktor ng pelikula),” she said.

Ayon pa kay Anne, Erwan is not the type that would make her ask permission sa mga proyektong kanyang tinatanggap. Pero ‘yun nga lang, hindi raw manonood ng premiere night ang mister.

“He doesn’t usually go. He didn’t go to Sid and Aya (movie nila ni Dingdong Dantes) also, but he watched it on a regular screening.”

Inamin ni Anne na medyo nadala si Erwan nang minsang dumalo ito sa premiere night ng kanyang pelikulang Blood Ransom kung saan medyo malala ang mga intimate scenes niya.

“So, lahat ng tao, tumitingin daw talaga sa kanya. So, he gets awkward with that. He doesn’t like that feeling. So, he’d rather not and just go to a regular screening.”

When asked kung hanggang anong age siya puwedeng magpa-sexy, binang­git na halimbawa ni Anne si Nicole Kid­man na at the age of 52 ay keri pang gumawa ng sexy scenes.

“So, I think, there’s no age limit as an actress,” sey pa niya.

Just a Stranger marks Anne’s comeback in a sexy role na medyo matagal-tagal na ring hindi niya ginagawa at ayon sa aktres, ang napakagandang script daw talaga ang nagpapayag sa kanya to do the film. Wala raw pagkailang or paninibago and in fact, sobrang excited pa siya.

“I was very excited to be going back to a sexy-drama. I did so many dramas in the past few years, so, more than anything, when I got the script and I read it, parang there was no pressure naman because it was going to be sexy. More of excited because it was a beautiful story, it’s not just based on the sexiness of the film. It’s actually such a beautiful story. So that’s what got me even more excited,” sey pa ni Anne.

Ang Just a Stranger ay tumatalakay sa tema ng May-December affair at sa trailer pa lang ay makikita na ang mga steamy scenes nina Anne at Marco.