Palad ng babaeng seseryosohin ng lalaki

Maestro Honorio Ong

KATANUNGAN

1. Minsan na akong nabigo sa pag-ibig at sa ikalawang boyfriend ko ngayon ay ayaw ko nang maulit pa ito, pero nag­ka­kalabuan na naman kami. Bihira na siyang tuma­wag at mag-text at ang palagi niyang kat­wi­ran ay busy daw siya sa kan­yang trabaho. Na­ka­­destino siya nga­­yon sa Baguio dahil En­gi­neer siya.

2. May nakita akong island o bilog sa aking Heart Line at minsan ay nabasa ko sa inyong artikulo na ang bilog o is­land ay tanda ng kabigu­an. Ibig sabihin ba nito ay mabibigo na naman ako?

3. Sana, hindi na dahil mahal na mahal ko ang boyfriend ko ngayon at siya na ang gusto kong ma­katuluyan.

KASAGUTAN

1. Tama ka, Mheanne, kapag nakakita ka ng bilog o island sa Heart Line (Dra­wing A. at B. h-h arrow a.) higit lalo kung matatagpuan ito sa kaliwa at kanang palad tulad ng nasa palad mo, ito ay malinaw na senyales ng ma­tinding kabiguan sa pag-ibig.

2. Gayunman, ikaw ang nagsabing nabigo ka na sa unang pag-ibig, kaya im­posibleng mabigo ka pang muli dahil tulad ng nakikita sa iyong palad, iisa lang ang nasabing bilog o island (ar­row a.). Ibig sabihin, matin­ding kabiguan lamang at ang kabiguang ito ay tapos na.

3. Habang, ang Heart Line (Drawing A. at B. h-h arrow b.) na nagsimula o na­tapos sa ilalim ng daliring hin­tuturo na tinatawag ding Mount of Jupiter na sina­sabi rin nating Bundok ng Kali­gayahan (arrow b.) ay nag­papahiwatig na matapos ang matinding kabiguan sa pag-ibig, tunay ngang ma­li­gaya at panghabambuhay na relasyon ang magiging ka­palit na kasalukuyan mo ng di­naranas sa piling ng boy­friend mong Engi­neer higit lalo kung ang nasabing lalaki ay isinilang sa zodiac sign na Pisces na siyang ka-compa­tible ng zodiac sign mong Can­cer.

MGA DAPAT GAWIN

1. Anumang marka o tanda na nakikita sa guhit ng palad, ang lahat ng ito ay may petsa o takdang panahon kung kailan magaganap.

2. Kaya sa pag-aanalisa ng kapalaran, tatlong bagay ang dapat isalang-alang upang mahawakan mo ang tagumpay at ligaya sa maikli nating buhay.

3. Una, ano ang magaga­nap sa kanyang kapalaran? Pangalawa, kailan ito magaga­nap? Pangatlo, anumang ka­palaran ang maganap, nega­tive o positive, kaila­ngan ang pagkilos, kaya ang su­sunod na tanong, “ka­pag nangyari sa akin ang kapalaran kong ito, ano ang gagawin ko?”

4. Sa ganyang pa­raan, pi­naghahandaan mo talaga ang buhay at kapalaran mo, anu­mang kaganapan ang mang­yari sa iyo, masaya ka, kasi alam mo ang mang­yayari at magiging ka­palaran mo at masaya ka dahil nakibahagi ka sa kapalarang ito ng may sariling pagpapasya.

5. Habang, ayon sa iyong mga datos, Mheanne, dapat kang magtiwala sa kasaluku­yan mong boyfriend dahil ang totoo, busy lang siya kaya pansamantalang tumam­lay ang inyong komunikasyon, ngunit, anuman ang mang­yari, walang duda, sa dakong huli, kayo pa rin ang magka­katuluyan na nakatakdang maganap sa susunod na ta­ong 2020, sa edad mong 28 pataas na hahantong sa ma­ligaya at panghabambuhay na pagpapamilya.