'Di lang masarap na panghimagas... GELATIN, MABISANG PANTANGGAL NG BLACKHEADS!
Nakaka-bad- trip ang itim na batik-batik sa ilong na sobrang hirap alisin? Blackheads ‘yan, besh! Parang anino na ayaw maalis-alis, ganyan ka niya kamahal, ‘yung tipong hindi ka iniiwan. Isa ka ba sa mga nagdurusa sa pagkakaroon ng blackheads?
Well, besh, kung ganu’n, para sa iyo ito!
Galit na galit tayo sa pagkakaroon ng blackheads, pero may hamon siya sa iyo.
Iiwan ka lang daw niya kung alam mo ang Tagalog term niya bukod sa itim na ulo. He-he-he! Biro lang, mga lodi! Pero, alam n’yo ba kung bakit nagkakaroon ng blackheads ang tao? Ganito kasi ‘yan, nabubuo ang blackheads dahil sa oil at dead skin cells na bumabara sa pores ng mukha.
Ang oil na ipino-produce ng balat ang nag-iipon ng mga dumi at kung hindi ito huhugasan o hihilamusan, 'yun na, magkakaroon ka na ng blackheads.
Pero, don’t worry, knows ba ninyo na may madaling paraan para matanggal ito? Hindi ka na nasaktan, hindi ka pa gagastos ng malaking halaga.
Ang sagot sa problema? Gelatin! Gulat ka, ‘noh? Walang hiwaga, ‘tol!
Kaya para magawa ito, kumuha ng isang kutsarang unflavored gelatin at ilagay sa lalagyan at lagyan ng kalahating kutsarang gatas at haluin, tapos, painitin ang gelatin sa loob ng sampung segundo at palamigin nang kaunti.
Sunod, isawsaw ang daliri sa gelatin at ipahid sa mukha at patuyuin. Panghuli, tanggalin ang pinatuyong gelatin at makikita mong halos lahat ng blackheads sa iyong mukha ay sasama na rito!
Oh, ayan, mga ‘tol! Ngayong may katapat na ang blackheads ninyo, matatakot na siyang bisitahin ka!
Pero, paalala lang, hindi lahat ng uri ng gelatin ay mainam gamitin para sa prosesong ito. ‘Yung unflavored gelatin lang ang gamitin, mga lodi!
Copy?
Comments