Grade 4 pupil tepok sa lunod

ALBAY—Isang Grade 4 pupil ang namatay nang malunod habang naliligo kamakalawa sa ilog na sakop ng Bgy. Balangibang, Polangui.

Ang biktima ay nakilalang si John Rey Boncate, 10-taong gulang at nakatira sa naturang bayan.

Nabatid na habang naliligo si Boncate, kasama ang kanyang mga kaibigan ay tinangay ng agos sa malalim na bahagi ng ilog ang biktima.

Kaagad sumaklolo ang mga residente, pero bangkay na nang maiahon sa ilog ang biktima.