Alamin kung paano gagamitin... mga bulaklak, prutas at matatamis na pagkain, epektib para ‘di malasi

Sr. Socrates Magnus II

“The Ghost Month o ang Buwan ng mga Multo II”

Ilang araw na lang ay Au­gust na, makikitang ang mga balita ay tungkol sa mga sakuna, aksidente sa eropla­no, barko at maging sa kalu­paan.

Para bang ang hinaha­nap ng mga tagapagbalita ay ang mga hindi magagandang kaganapan na iniuugnay sa Ghost Month.

Kaya kahit ang paghihi­walay ng mga sikat na artista ay mainit din sa mga mama­mayan, gayundin ang pagka­ma­tay ng mga sikat at ma­la­laking tao sa lipunan na ma­aaring ibintang sa Ghost Month.

Ang tanong, nakakata­kot ba ang Ghost Month?

Narito ang ilang epekti­bong paraan para hindi ma­da­may sa Ghost Month:

1. Para sa mga may ne­gosyo, maganda kung mag-aalay kayo ng misa sa place of business at ang isusuot ng mga a-attend ay kulay pula.

2. Iminumungkahi rin na maghanda ng masasarap na pagkain na pagsasaluhan ng mga a-attend sa misa at ang matitirang pagkain ay hindi itatapon kundi hahayaan lang na nasa lalagyan. Itata­pon na lang ito kapag panis o sira na.

3. Sa place of business, suwerte rin ang mga prutas at matatamis na pagkain.

4. Hinihimok din na mag­lagay ng mga bulaklak sa of­fice tables.

5. Maganda kung magla­lagay ng mga halaman o in­door plant.

6. Inirerekomenda na magpalit ng bagong kurtina.

7. Bawal ang malungkot, kaya dapat payagan ang pag­sasaya habang nasa opisina.

8. Ngayon din ang ta­mang timing sa pamimigay ng mga promo o free gift sa mga customer.

9. Ang buy-one, take-one ay maganda ring isagawa.

10. Buksan ang lahat ng ilaw, mas mainam kung mas maliwanag ang place of bu­siness.

Dagdag pa rito, sa gabi, ang mga empleyado ay da­pat magdasal, mas maganda kung ang darasalin ay ang Su­masampalataya dahil ito ang opisyal na dasal na epek­ti­bong panlaban sa lahat ng klase ng masasamang espi­ritu.

(Itutuloy)