‘Ika nga, bawal ang magkasakit... Mga dapat gawin ngayong paiba-iba ang panahon

No Problem

PABAGU-BA­GO ang panahon kaya tuloy nagsa-suffer ang ating kalusugan kung saan nagkaka­roon tayo ng trang­kaso, sipon, ubo at mara­mi pang iba. Pero, higit na mas naa­apek­tuhan dito ang mga indibidwal na mahina ang re­sis­tensiya, kaya para maagapan natin ang pagkakaroon ng sakit dahil sa kum­plika­dong panahon, alamin ang mga da­pat gawin para rito:

1. MAGPAHINGA. Ibig sabihin ng magpa­hinga ay ang matulog nang tama, iwasan ang pagpupuyat dahil ma­bi­gat na pakiramdam lang ang naidudulot nito sa atin.

Habang maaga pa, makinig na tayo sa mga dalubhasa na importante talaga ang mag­­karoon nang 8 oras na tulog kada gabi.

2. KUMAIN NANG TAMA. Piliin din natin ang ating mga kinakain, hindi puwe­deng kung ano ‘yung nakahain ay ‘yun na lang, lalo na kung may kakayahan naman tayong makagawa ng pa­raan para makaiwas sa mga pagkaing hindi ini­rerekomendang makasa­nayan.

3. MANATILING HYDRATED. Impor­tante na nakakainom tayo ng tubig, lalo na kapag sob­rang init ng panahon dahil ito ang numero-uno na­ting kasangga para kahit papaano, eh, ma-refresh tayo.

4. SUNDIN ANG PAYO NG MGA EKS­­PERTO. Kung kumokon­sulta tayo sa doktor at may iniresetang gamot sa atin, make sure na su­sun­din ito dahil para rin ito sa ikabubuti ng kalu­su­gan natin. Mainam na maging maagap bago ma­huli ang lahat.

5. MAGPAPAWIS. Maraming bagay ang pu­wedeng gawin para tayo ay pagpawisan, puwe­deng tumakbo, maglakad, maglaro ng sports at iba pa.

Kaya tayo na ang ba­hala kung ano ang trip natin para pagpawisan tayo, tsansa na rin ito para mabawasan ang timbang natin.

Oh, ayan, huwag ta­yong magsa­walam­bahala kung kinakailangan na talagang gawin.

Tandaan, makinig at kumilos para mapanga­lagaan ang sarili.

Okiee?