Kahulugan ng trahedya sa barko

Socrates Magnus

Salaminin natin ang panaginip ni Richard ng Richard_Gensis@face-book.com

Dear Professor,

Ang mama ko na si Do­lores ay Virgo, may­roon siyang napana­gi­ni­pan na malaking barko na sira at may lalaki sa liku­ran na nakabitin sa barko at ang mama ko ay nasa harap ng barko.

Pagkatapos, biglang gu­mewang-gewang ang barko at nakita ni mama na nakabitaw ang lalaki, pero ang mama ko ay wa­lang takot na tumalon at lumangoy hanggang sa nakarating siya sa pam­pang at nakita niya ang lalaki na nagsasagwan.

Ano ang ibig sabihin nito?

Naghihintay,

Richard

Sa iyo Richard,

Narinig mo na ba, iho, ang sinasabing legendary cha­racter na “the shinning armor?” Ito ‘yun gustung-gusto ng mga babae na mag­liligtas sa kanila at tulad ng nasabi, legendary persona­lity lang ito at inaakala ng marami na ito ay lalaki.

Pero, ang totoo, walang direktang tinutukoy dito da­hil ang sabi lang ay “the shin­­ning armor” na nagpa­pahi­watig na ito ay ang taga­pag­ligtas.

Saan ba ito magiging tagapagligtas? Ililigtas niya ang nakakulong sa tore ng palasyo, ililigtas niya ang na­ka­­tanikala sa kalungkutan, ililigtas niya ang matagal nang alipin ng pag-iisa at pa­ngu­ngulila at ililigtas din niya ang taong halos mawa­lan na ng pag-asa, pero ku­makapit pa rin sa panini­wa­lang da­rating ang kan­yang tapag­ligtas.

Sa madaling salita, ang panaginip ng Mama Dolores mo ay nagsasabing, magi­­ging tagapagligtas siya. Tu­tulungan niya ang walang ka­kayahang maabot ang pa­ngarap, pero desididong mag-tagumpay sa buhay.

Sino kaya ang ililigtas ng mama mo? Ang nakagu­gu­­lat na sagot ay ikaw mis­mo dahil masasalamin sa pana­ginip mo kahit hindi mo ami­nin na ikaw ay may pag­ka-mama’s boy.

Bagama’t, ang mga nanay ay sinasabing ilaw ng ta­ha­nan, sa pagkakataong ito, siya rin ang iyong kalakasan.

Ganito ang sabi, “maha­lin mo ang iyong mga ma­gulang”, banal na utos na may kalakip na pangako na ang sinumang susunod sa utos na ito ay pagpapalain at hahaba ang buhay.

Napansin mo ba, ang salitang “pagpapalain”, ‘di ba, ang ibig sabihin, darami ang kabuhayan? Dahil sa salitang yayaman, ang pa­ha­bol na payo ay tutulungan niya ang mga kapus-palad.

Napansin mo ba ang salitang “hahaba ang bu­hay?”

Ito ay nagsasabing, siya ay may papel din sa mun­do tulad ng papel na ginagam­panan ng mga “the shinning armor”.

Hanggang sa muli,

Professor Seigusmundo del Mundo