Lalo na sa mga negosyante... dahilan kaya malas ang buwan ng agosto

Sr. Socrates Magnus II

“The Ghost Month o Buwan ng mga Multo”

Ilang araw na lang ay muli nang sasapit ang Ghost Month. Ito ay magaganap mula sa August 2 hanggang August 29, 2019.

Bago pa man dumating ang mga Kastila sa bansa natin, ang mga Tsino ay pa­balik-balik na rito. Noon pa man, alam na sa buong mun­do na ang ating bansa ay ma­yaman, as in, totoong maya­man.

Nandito ang mga lan­tay na ginto, purong pilak at ang matitigas na bakal. Kaya ang mga mangangalakal sa ibang bansa ay madalas na rito sa atin kumukuha ng mga pro­dukto. Ang pinaka­marami sa mga dayuhang nagnegosyo ng buy-and-sell ay ang mga Tsino. Tina­ta­wag natin ito ngayong buy-and-sell, pero ang totoo, ang tawag dito noon ay bar­ter kung saan hindi aktuwal na pera ang ginagamit na pambili kundi ito ay ang pagpapalitan la­mang ng mga produkto.

Halimbawa, kailangan ng mga Tsino ang ginto, tayo na kumakain sa dahon ng sa­ging ay kailangan ang ping­gan o plato.

Kaya ang ginto natin ay papalitan nila ng Chi­nese plates. Ito ang da­hilan kung bakit sa bansa natin ang na­huhukay ng mga treasure hun­ter ay mga por­celain na gawa sa Tsina.

Sa ganyang kalagayan sa palitan ng komersiyo, hin­di maiiwasan na ang mga tradisyon ng mga Tsino ay a­tin ding natutunan at naging bahagi na rin ito ng ating pambansang kultura.

Ang tawag sa Ghost Month ng mga Tsino ay “ka­wit-palakol.” Ito ang buwan kung saan ang mga negosyo ay hirap na hirap o minama­las.

Kaya kapag dumarating ang Ghost Month, ang lahat ay pinag-iingat dahil maa­aring ang kamalasan ay mag­sidapo sa mga tao.

Ang eksaktong Ghost Month ay tuwing sasapit ang ika-7 buwan sa lunar calen­dar, kaya ito ay natatapat sa buwan ng Agosto dahil sa lunar calendar na gamit ng mga Tsino ay August ang pam­pito.

Tayong mga Pinoy da­hil mas matalas ang ating isip kaysa sa iba, kaagad na­ting napansin na ang nume­rong 7 ay mismong larawan ng palakol kaya ang Agosto ay tinatawag nating buwan kung kailan ay “kawit-pa­lakol.”

Akala ng iba ay pama­hiin lang ang kawit-palakol, pero para sa mga tunay na negosyante, alam na alam nila na tuwing Agosto ay ma­­­giging matumal ang kani­lang negosyo. Pero, ang mga baguhang negosyante, sila ay makikitang sobrang prob­lemado dahil sa banta ng pag­kalugi.

Dahil sa nasabing pagi­ging bagito nila, ang kani­lang pagbibintangan ay ang paniniwala ng mga Tsino na ang August ay magdadala ng kamalasan.

(Itutuloy)